Warranty & Care
Window Film Care
- ၁။ မှန်ဖလင်ကပ်ပီးရက်မှ (၅) ရက်အတွင်း မှန်အတင်အချ မပြုလုပ်ရန်နှင့် ရှေ့မှန်ကြီးအား အဲကွန်းလေမပို့ရန် ရှောင်ရပါမည်။
- ၂။ မှန်ဖလင်ကပ်ပီး ရေဖုလေးများ/ရေငွေများကျန်နေနိုင်ပီး ရက်အနည်းငယ်အတွင်းပျောက်ကွယ်သွားမည်ဖြစ်ပါသည်။
- ၃။ ကားမှန်ဖလင်သည်ကပ်ပီးရက်မှ အပြည့်အ၀တွဲကပ်ရန် ရာသီဥတုအခြေအနေ၊ ဖလင်အမျိုးအစား၊ အဲကွန်းအသုံးပြုပုံ စသည်တို့ပေါ် မူတည်ပြီး အများဆုံး ရက်ပေါင်း (၆၀) ထိကြာတတ်ပါသည်။
Window Film Warranty
- ၁။ မှန်ဖလင်အတွက် အာမခံမှာ အရောင်မလွင့်သွားခြင်း၊ ပူပေါင်းမထခြင်း၊ တွန့်ခေါက်ရာများမဖြစ်ခြင်းတို့ဖြစ်သည်။
- ၂။ တပ်ဆင်ရေးပိုင်းတွင် ဖုန်မှုန်အနည်းငယ်ပါနိုင်သည်ဖြစ်ပီး အဆိုပါအချက်သည် မှန်ဖလင်၏လုပ်ဆောင်ချက်များအား မည်သို့မျှအနှောက်အယှက်မဖြစ်သောကြောင့် မှန်တချပ်ခြင်းအလိုက် ဖုန်မှုန်ပါ၀င်မှုသည် (၃) လက္မပတ်လည်အတွင်းရှိပါက အာမခံမှုနှင့်သက်ဆိုင်မှုမရှိပါ။
- ၃။ သုံးစွဲသူ၏အသုံးပြုပုံနှင့်ပတ်၀န်းကျင်ရာသီဥတုအခြေအနေများပေါ်မူတည်ပြီး မှန်ဖလင်၏ကနဦးအရည်အသွေးများပြောင်းလဲမှု ဖြစ်နိုင်ပြီး အာမခံပေးထားသော နှစ်အတွင်းမူလအချက်အလက်များမှ (၃၀%) ထက်ပိုမိုလျော့ကျသွားလျင် အာမခံအကျုံး၀င်မည်ဖြစ်ပါသည်။
PPF Care
- ၁။ PPF အသားသည်ကားဘော်ဒီတွင်အပြည့်အ၀စွဲကပ်ရန်အချိန်လိုအပ်သောကြောင့်ဘော်ဒီဖလင်ကပ်ပြီး (၇) ရက်အတွင်းကားရေဆေးခြင်း၊ ဟိုင်း၀ေးမောင်းနှင်ခြင်းနှင့် PPF အသားစွဲကပ်မှုကိုအနှောက်အယှက်ဖြစ်စေနိုင်သောအရာများမပြုလုပ်ရန်။
- ၂။ ရေခိုးရေငွေများနှင့် ရေပူပေါင်းလေးများကျန်နိုင်ပြီး ရက်အနည်းငယ်အတွင်းပျောက်ကွယ်သွားမည်ဖြစ်ပါသည်။
- ၃။ ဘော်ဒီဖလင်ကပ်ပီး (၁၀) ရက်မြောက်နေ့တွင် ပြန်လည်စစ်ဆေးရန်လာရောက်ပီးလိုအပ်ချက်များရှိလျင်ပြုလုပ်ပါရန်။
PPF Warranty
- ၁။ ဘော်ဒီဖလင်အတွက်အာမခံမှာ ပူပေါင်းမထခြင်း၊ အက်ကွဲကြောင်းများမဖြစ်ပေါ်ခြင်း၊ အလွာများမကွာကျခြင်းတို့ဖြစ်သည်။(* ဘော်ဒီဖလင်များသည် plastic polymer base material များဖြင့်ပြုလုပ်ထားခြင်းဖြစ်ပါသဖြင့် နေရောင်နှင့်ကာလကြာမြင့်စွာထိတွေ့လျင် အရောင်(အ၀ါ)ပြောင်းလဲခြင်းသည် ဖြစ်ရိုးဖြစ်စဥ်တခုဖြစ်ပါသည်။ သို့ဖြစ်ပါ၍ ဘော်ဒီဖလင်အရောင်ပြောင်းလဲခြင်းသည် အာမခံမှုနှင့်လုံး၀ (လုံး၀) အကြုံး၀င်မှုမရှိကြောင်းကို ကြိုတင်အသိပေးအပ်ပါသည်။*)
- ၂။ အာမခံတွင် ကား၏အော်ရီဂျင်နယ်ဆေးသားရှိနေသောအစိတ်အပိုင်းများတွင်ဖလင်တပ်ဆင်ထားခြင်းအတွက်သာဖြစ်ပီး ကား၏ဆေးသားကို အာမခံပေးခြင်းလုံး၀ (လုံး၀) မဟုတ်ပါ။
- ၃။ သုံးစွဲသူအသုံးပြုပုံနှင့်ထိမ်းသိမ်းစောင့်ရှောက်မှုအားနည်းချက်များကြောင့်ဖြစ်နိုင်သောကိစ္စရပ်များသည် အာမခံနှင့်အကြုံး၀င်မှုမရှိပါ။
Ceramic coating dos and don'ts
- ၁။ IGL Coatings တင်ထားသော မော်တော်ယာဥ်အား Glaze နှင့် Wax ဖယောင်းတင်ခြင်း လုံး၀မပြုလုပ်ရပါ။
- ၂။ Coating ဆေးသားများ အသားသေစေရန်အတွက် ၄ နာရီခန့် Coating ခန်းထဲတွင် အခြောက်ခံရပါမည်။ ရေလုံး၀ထိ၍မရပါ။
- ၃။ coating တင်ပြီး (၅) ရက်အတွင်းကားရေဆေး၍မရပါ။ ထိုကာလအတွင်းကား၏ မျက်နှာပြင်အားဆပ်ပြာကြမ်းနှင့် Caustic ဆော်ဒါပါ၀င်သောဆေးရည်များ လုံး၀ သုံးပြု၍မရပါ။
- ၄။ ရေဆေးရန်လိုအပ်ပါက ဆပ်ပြာမသုံးဘဲ ရေဖြင့်သာဆေးကြောပြီး မိုက်ခရိုဖိုက်ဘာအ၀တ်သန့်ဖြင့်အခြောက်သုတ်ပေးရပါမည်။၅။ လိုအပ်ပါက Igl ecocoat premier (ceramic spray sealant) တင်ပြီး ဆေးအသားသေချိန်ကာလအတွင်း ရေဂျိုးများဖြစ်ပေါ်ခြင်းကိုကာကွယ်နိုင်ပါသည်။
Ceramic coating care
- ၁။ IGL Coatings တင်ထားသောကားများအား ဆပ်ပြာကြမ်းနှင့်အခြားသော caustic ဆော်ဒါပါ၀င်သောဆေးရည်များဖြင့်ဆေးခြင်းလုံး၀မပြုလုပ်ရပါ။ igl ecoclean wash နှင့် ecoclean blizzard အစရှိသော ph neutral ဖြစ်သောကားရေဆေးဆပ်ပြာဖြင့်သာရေဆေးသင့်ပါသည်။
- ၂။ IGL Coatings တင်ထားသော်လည်း (၂) ပတ်တစ်ကြိမ် (သို့မဟုတ်) ညစ်ပေတိုင်းကားရေဆေးသင့်ပါသည်။
- ၃။ ငှက်ချေးနှင့်သစ်စေးများ ကားပေါ်ကျလာပါကချက်ချင်းရေဆေးချပါ။
- ၄။ ကားရေဆေးရာတွင် 2 bucket wash method (ဆပ်ပြာပုံးသီးသန့်အသုံးပြုခြင်း၊ ရေပုံးသီးသန့်အသုံးပြုခြင်း) နှင့် snow foam အသုံးပြုခြင်းဖြင့်ရေဆေးသင့်ပါသည်။
- ၅။ ကားရေဆေးရာတွင်ဖော့တုန်းများနှင့်အ၀တ်စများသည်အစင်းရာများဖြစ်ပေါ်စေသောကြောင့်မိုက်ခရိုဖိုက်ဘာအ၀တ်သန့်ဖြင့်သာဆေးကြောသင့်ပါသည်။
- ၆။ IGL Coatings တင်ထားသောမော်တော်ယာဥ်အား ဆပ်ပြာကြမ်း၊ အက်ဆစ်နှင့်အ၀တ်စုတ်အသုံးပြုသောရေဆေးခုံများတွင်ရေဆေးခြင်းမပြုလုပ်ရ။ ၄င်းပစ္စည်းများသည် IGL Coatings များအားဆိုး၀ါးစွာထိခိုက်ပျက်စီးစေပါသည်။
- ၇။ IGL Coatings ထင်ထားသောမော်တော်ယာဥ်အား စက်ပေါလစ်တိုက်ခြင်း၊ လက်ပေါလစ်တိုက်ခြင်း၊ wax ဖယောင်းတင်ခြင်း လုံး၀မပြုလုပ်ရပါ။ လိုအပ်ပါက igl ecoshine enhancer နှင့် igl ecocoat premier တင်ခြင်းဖြင့် coatings အားပြန်လည်သစ်လွင်တောက်ပစေပါသည်။
Ceramic coating maintain
- ၁။ Coating ပြုလုပ်ထားသောကားများသည် အသုံးခံသည့်သက်တမ်းပြည့်ပြည့်၀၀ အသုံးခံနိုင်ရန်အတွက် ပုံမှန် ပြုပြင်ထိမ်းသိမ်းမှုများပြုလုပ်ရန် မဖြစ်မနေလိုအပ်ပါသည်။
- ၂။ ပုံမှန်ပြုပြင်ထိမ်းသိမ်းမှုအားနည်းချက်များကြောင့်ဖြစ်ပေါ်လာသောနောက်ဆက်တွဲကိစ္စရပ်များအတွက် သုံးစွဲသူတွင်သာတာ၀န်အပြည့်အ၀ရှိပါသည်။
- ၃။ ပုံမှန်ပြုပြင်ထိမ်းသိမ်းခြင်းလုပ်ငန်းစဥ်တွင် ပါ၀င်သောအချက်များမှာ ကား၏အပြင်ပိုင်းအားရေဆေးခြင်း၊ မျက်နှာပြင်တွင်ကပ်တွယ်နေသော အညစ်အကြေးများ ကတ္တရာများ ဖယ်ရှားခြင်း၊ coating မျက်နှာပြင်အားစစ်ဆေးခြင်း၊ UV Protection နှင့် Hydrophobic Effect အားကောင်းစေရန် သတ်မှတ်ထားသော ဆေးရည်အသုံးပြုခြင်းတို့ဖြစ်ပါသည်။
- ၄။ သုံးစွဲသူကြောင့်ဖြစ်ပေါ်သော ကိစ္စရပ်များဖြစ်သည့် အစင်းကြောင်းများဖြစ်ခြင်း၊ ငှက်ချေးကွက် သစ်စေးကွက်များဖြစ်ခြင်း၊ ရေခြောက်ကွက်များဖြစ်ခြင်း နှင့် အခြားသော coating မျက်နှာပြင်ကိုပျက်စီးစေနိုင်သော Ceramic Coating တင်ပြီး ကားရေဆေးခြင်းနှင့် ထိန်းသိမ်းခြင်းတွင်ဖော်ပြထားသောအချက်များကြောင့်ဖြစ်သောပျက်စီးမှုများသည် ပုံမှန်ပြုပြင်ထိမ်းသိမ်းခြင်းလုပ်ငန်းစဥ်တွင်ပါ၀င်ခြင်းမရှိပါ။
- ၅။ အမှတ်စဥ် ၄ ပါအချက်များအားပြုပြင်ပြီး မူလအသစ်အခြေအနေအတိုင်းပြုလုပ်လိုပါက လုပ်ဆောင်ရမည့်အတိုင်းအတာအလိုက် ကုန်ကျငွေကျသင့်မည်ဖြစ်ပါကြောင်းကြိုတင်အသိပေးအပ်ပါသည်။
Overnight car parking agreement
- ၁ -မိတ်ဆွေ၏ကားအားလိုအပ်သော၀န်ဆောင်မှုများပေးရန် (အလုပ်ချိန် ၈ နာရီထက်ပိုသော) အတွက် US AUTO မှညအိပ်ကားအဖြစ်လက်ခံထားရှိခြင်းဖြစ်ပါသည်။
- ၂ -ကားအားစတင်လက်ခံချိန်တွင်ကားပိုင်ရှင်နှင့်အတူကား၏မျက်မြင်အခြေအနေများအားစစ်ဆေးပြီးကားလက်ခံစာရွက်ပေါ်တွင်မှတ်ချက်များရေးမှတ်ထားရှိပါမည်။
- ၃ -ကားစစ်ဆေးမှုသည်မျက်စိဖြင့်မြင်နိုင်သော(ကားဘော်ဒီ၊ ဆေးသား၊မှန်များ စသဖြင့်)အရာများအားအဓိကထားစစ်ဆေးခြင်းဖြစ်ပြီး ကားတစီးလုံး၏ လုပ်ဆောင်ချက်များ၊ အားနည်းချက်များ၊ မျက်စိဖြင့်မမြင်နိုင်သော ချို့ယွင်းချက်များ အားစစ်ဆေးခြင်းမဟုတ်ပါ။
- ၄ -မိတ်ဆွေ၏ကားတွင်ပုံမှန်မဟုတ်သော အခြေအနေများရှိသည်ကို ကြိုတင်သိရှိပါက အသိပေးထားရန် ပန်ကြားအပ်ပါသည်။
- ၅ -ကားလက်ခံစာရွက်တွင်မှတ်ချက်မရေးထားသောအရာများ အားလုံးကောင်းပါသည်ဟု ယူဆပြီး ကားကိုလက်ခံထားခြင်းမဟုတ်ကြောင်းအထူး (အထူး) အသိပေးလိုပါသည်။
- ၆ -ကြိုတင်မသိရှိထားသော/အသိမပေးထားသောအားနည်းချက်၊ ချို့ယွင်းချက်များရှိပါကလုပ်ငန်းလက်ခံဆောင်ရွက်သူနှင့်မည်သို့မျှသက်ဆိုင်မှုမရှိ ကြောင်းကြိုတင် အသိပေးအပ်ပါသည်။
- ၇ -လုပ်ငန်းဆောင်ရွက်နေစဥ်ကာလအတွင်းကား၏နဂိုမူလအားနည်းချက်/ချို့ယွင်းချက်များထွက်ပေါ်လာပါကအရေးပါမှုအတိုင်းအတာအလိုက်ကားပိုင်ရှင်အားလိုအပ်သလို အကြောင်းကြားအသိပေးခြင်းပြုလုပ်ပေးမည်ဖြစ်ပါသည်။
- ၈ -အဆင်မပြေမှုတစုံတခုဖြစ်ပေါ်လာပါက အောက်ပါအတိိုင်းဖြေရှင်းပေးမည်ဖြစ်ပါသည်...
- ၈/၁- ဘာကြောင့်ဖြစ်သည်ကိုအလျင်စုံစမ်းစစ်ဆေးပါမည်။ (လိုအပ်လျင်ပြင်ပကျွမ်းကျင်သူကိုစစ်ဆေးခိုင်းပါမည်)
- ၈/၂- ချို့ယွင်းချက်ဖြစ်ပေါ်ခြင်းသည် US AUTO ၏လုပ်ဆောင်မှုအားနည်းချက်ကြောင့်ဖြစ်ကြောင်းအကျိုးအကြောင်းခိုင်မာပါက US AUTO မှအပြည့်အ၀တာ၀န်ယူပါမည်။
- ၈/၃- ချို့ယွင်းချက်သည်အခြားအကြောင်းတရားများ (ဥပမာ မူလချို့ယွင်းမှု၊ ချို့ယွင်းချက်အားယာယီပြုပြင်ထားခြင်း) ကြောင့်ဖြစ်ပါကကားပိုင်ရှင်မှသာအပြည့် အ၀တာ၀န်ယူရပါမည်။
- ၈/၄- ချို့ယွင်းချက်ဖြစ်ပေါ်စေသည့်အကြောင်းသည်တိကျသောအဖြေမထွက်ရှိပါက ကားပိုင်ရှင်နှင့် US AUTO တို့ညှိနှိုင်းပြီး ပူးတွဲတာ၀န်ယူရပါမည်။
- ၉ -ကြိုတင်မမျော်လင့်နိင်သော သဘာ၀ဘေး၊ ရန်သူမျိုး (၅) ပါဘေးတို့ကြောင့်ပျက်စီးဆုံးရှုံးမှုများဖြစ်ပေါ်လျင် အာမခံထားရှိသောကားများအတွက် ထားရှိသောကားအာမခံလုပ်ငန်း/ အာမခံမထားရှိသောကားများအတွက် ကားပိုင်ရှင်မှသာ တာ၀န်ယူရမည်ဖြစ်ပါသည်။
- ၁၀ -မိတ်ဆွေ၏ကားအားလိုအပ်သော၀န်ဆောင်မှုများပေးရန်အတွက်သာ လက်ခံထားခြင်းဖြစ်ပြီး ကား၏မူလရှိထားသော ချို့ယွင်းချက်၊ အားနည်းချက်များအားစစ်ဆေးပေးရန် လက်ခံထားခြင်း မဟုတ်သလို လက်ခံထားစဥ်ကာလအတွင်းလဲ မိတ်ဆွေ၏ကားကို သိလျက်ဖြစ်စေ/မသိဘဲဖြစ်စေ ဖျက်လိုဖျက်စီးလုပ်ရန်အတွက်လည်း လက်ခံထားခြင်းမဟုတ်ကြောင်းကို ရှင်းရှင်းလင်းလင်းသိစေအပ်ပါသည်။
"ဖော်ပြပါအချက်လက်များအားဖတ်ရှုနားလည်လက်ခံသဖြင့်ကားအားလိုအပ်သော၀န်ဆောင်မှုရယူရန်အတွက်အပ်နှံထားရှိခဲ့ပါသည်"